2025-жылдын 23-декабрында Ош шаардык кенешинин сессиясында депутаттар «Ош шаардык мэриясынын Финансылык башкармалыгын» түзүүнү колдошту.
Расмий токтомдо чечим «Жергиликтүү мамлекеттик башкаруу жана жергиликтүү өз алдынча башкаруу органдары жөнүндө» мыйзамга ылайык кабыл алынганы, ошондой эле 2025-жылдын 12-августундагы президенттин № 264 буйругуна негизделгендиги көрсөтүлгөн. Депутаттар биринчи вице-мэр Адилет Шаршеналы уулунун бул мекемени түзүү боюнча сунушун угушту жана талкуулашты. Ошондой эле 2025-жылдын 18-декабрында № 33 менен кабыл алынган бюджет, экономика жана өнөр жай маселелери боюнча туруктуу депутаттык комиссиянын чечими эске алынды. Натыйжада, Ош шаардык кенеши «Ош шаардык мэриясынын Финансылык башкармалыгын» түзүүгө жана 2026-жылдын 1-январынан баштап жергиликтүү бюджеттен каржылоого макул болду.
Бул токтом расмий жарыяланган учурдан тартып күчүнө кирет.
