150 окуучуга ылайыкташкан жана Ислам Касмалиевдин ысымына аталган билим берүү мекемесинин курулушу быйыл башталды.
Министрликтин маалыматына ылайык, подрядчы катары ОсОО «Энержи-Нур строй» иштеп жатат. Билим берүү мекемеси эксплуатацияга алынган жок, анткени курулуштун акыркы этабында, чатырды орнотууда, Ысык-Көл облустук мамлекеттик архитектуралык-курулуш контролунун башкармалыгы объектти кабыл алган эмес. Подрядчыга курулуш иштерине байланыштуу бир нече эскертүүлөр жөнөтүлгөн.
18-январь түнүндө, күчтүү кар жааган учурда, чатырдын бир бөлүгү кулады.
Текшерүүнүн жыйынтыгында, ОсОО «Энержи-Нур строй» жазуу түрүндөгү эскертүү алды жана объектти калыбына келтирүү талабы коюлду. Учурда мектептин чатырын толугу менен калыбына келтирилди. Мындан тышкары, компанияга 200 миң сом өлчөмүндө айып пул салынды жана анын лицензиясын токтотуу маселеси комиссиянын жыйынында талкууланат.
Тийиштүү органдар тарабынан текшерилип, оң жыйынтык алынгандан кийин, мектеп расмий түрдө эксплуатацияга алынат.
