Кыргыз Республикасынын курулуш, архитектура жана турак-жай-коммуналдык чарба министри Нурдан Орунтаев мамлекеттик архитектуралык-курулуш контролунун инспекторлору менен биргеликте Бишкектеги курулуш объектилери боюнча рейд өткөрдү. Бул маалыматты Курулуш министрлиги билдирди.
Текшерүү учурунда 5 кабаттуу окуу борбору курулуп жаткан жердеги: Бишкек ш., Т. Океев көчөсү, 9 жана 11 даректеринде курулуш нормаларынын бузулушу аныкталды. Текшерүүнүн натыйжасында «Бина Групп» ЖЧКсына 200 000 сом өлчөмүндө айып пул салынды жана аныкталган кемчиликтерди жоюу боюнча эскертүү берилди.
Курулуш министрлиги курулуш процессине катышкан бардык тараптарды, анын ичинде уюмдарды жана жеке жактарды, мыйзамдык нормаларды жана талаптарды сактоого чакырат. Жарандардын коопсуздугун камсыз кылуу үчүн курулуш иштерин жүргүзүүдө техникалык регламенттерди жана стандарттарды сактоого өзгөчө көңүл бурулат. Курулуш объектилериндеги рейддик текшерүүлөр өлкө боюнча улантылат, анын ичинде выходной күндөрүндө.
