Ош облустук мамлекеттик архитектуралык курулуш контролдоо департаментинин инспекторлору Ош облусундагы көп кабаттуу турак үйлөрдү текшеришти.
«Кара-Суй районунда жайгашкан Кашкар-Кыштак айылындагы 12 кабаттуу турак үйдүн курулуш аянтчасында текшерүү учурунда курулуш материалдарын пайдалануу жана сактоо эрежелери бузулгандыгы аныкталды.
Аныкталган кемчиликтерге байланыштуу подрядчы ОсОО «Зеромакс»га жазуу түрүндөгү эскертүү берилди жана айыппул салынды», - деп билдиришти Минстройдон.
Маалымат:
Кара-Суй районунда Ош облусунда ОсОО Зеромакс Курулуш аттуу компания катталган. КРдин Юстиция министрлигинин маалыматына ылайык, бул компанияны Мирбабаев Зафар Эркинович башкарса, негиздөөчүлөрү Каюмов Авазбек Зиемединович жана Мирбабаев Зафар Эркинович.
