Ош облустук мамлекеттик архитектуралык-курулуш контролдоо департаментинин инспекторлору Кара-Суй районунда жайгашкан Датка айылындагы 12 кабаттуу турак үйдүн курулушун текшеришти.
«Инспекциянын жүрүшүндө техникалык коопсуздук талаптарынын бузулганы аныкталды. ОсОО «Business House KG» подряддык уюмуна аныкталган кемчиликтерди жоюу үчүн мөөнөт берилди жана расмий эскертүү берилди», — деп билдиришти Минстройдон.
Маалымат:
Адилет министрлигинин маалыматына ылайык, ОсОО «Business House KG» компаниясы 2002-жылы катталган. Генералдык директору Таджибаев Музаффар Мурадилович, ал эми негиздөөчүлөрү Мадумарова Манзура Бахрамовна жана Хасилджанов Юсуфбек Давранбекович.
