Министрлик билдиргендей, объекттин ондон ашык блокторунда курулуш мыйзамдарына жана коопсуздук нормаларына ылайык келбегендиктер катталган. Мындан тышкары, компания курулуштун айрым этаптарын көзөмөлдөө үчүн жеке лабораториялардын кызматтарын колдонгон, ал эми кээ бир блоктор мыйзамсыз түрдө үлүшчүлөргө берилген.
Текшерүүнүн жыйынтыгында «Аалам Строй» компаниясына ар бир блок боюнча айып пулдар салынды жана протоколдор түзүлдү. Мыйзам бузуу фактыларына байланыштуу объекттеги курулуш иштерин токтотуу чечими кабыл алынды, ал эми лицензияны токтотуу маселеси комиссиянын кароосуна чыгарылат.
Министр ошондой эле курулуштун сапатын текшерүү үчүн Республикадагы сертификаттоо борборун тартуу менен лабораториялык сыноолорду өткөрүүнү буйрук берди. Бул изилдөөлөрдүн жыйынтыгы боюнча кийинки чаралар кабыл алынат.
Орунтаев жооптуу кызматкерлерге да катуу чаралар көрүлөрүн белгиледи.
Салынган айып пулдардын жалпы суммасы 3 миллион сомду түздү.
Маалымат: Минюсттун маалыматы боюнча, ОсОО «Аалам Строй» компаниясынын директору Ниязбек Үсөнович Аалиев, ал эми негиздөөчүсү Уланбек Абыласович Исаков.
