Аудит эл аралык гранттык жана техникалык жардамды тартуу жана пайдаланууда олуттуу мыйзам бузууларды аныктады.
Маалыматка ылайык, болгону 13 министрлик жана 6 ведомство гранттык долбоорлорду ишке ашырууда. Этил спирти жана алкоголь продукциясынын өндүрүшүн жана жүгүртүүсүн контролдоо агенттиги, транспорт каражаттарын жана айдоочуларды каттоо агенттиги, ошондой эле депозиттерди коргоо агенттиги сыяктуу үч мамлекеттик орган бир дагы долбоорду ишке ашырган эмес.
Аудит учурунда министрлик 233 долбоордук арызды карап, анын ичинен 167си бекитилген.
Эл аралык гранттык жана техникалык жардамдын реестри боюнча 25,2 миллиард сомдук жалпы суммасында 120 долбоор катталган:
- 2022-жылы — 1,6 миллиард сомдук 21 долбоор;
- 2023-жылы — 8,5 миллиард сомдук 37 долбоор;
- 2024-жылы — 15,1 миллиард сомдук 62 долбоор.
Катталган долбоорлордун саны үч эсе өскөн (21ден 62ге). Эң көп долбоор Ички иштер министрлигинде — 16 (25,8%) жана ТЖ министрлигинде — 12 (19,3%) болгон.
Аудит учурунда мыйзам бузуулар аныкталды: 2022 жана 2023-жылдары Президенттин администрациясынын протоколдору боюнча 5,7 миллион сомдук 22 долбоор катталган, бул долбоорлордун максатка ылайыктуулугу боюнча ыйгарым укуктуу орган тарабынан тыянак жок.
2024-жылы ушундай мыйзам бузуулар катталган: ТЖ министрлигинин 66,7% долбоорлору (12ден 8и) алардын ишке ашыруу мөөнөтү аяктаган соң катталган, ал эми Ички иштер министрлигинин 68,7% долбоорлору (16дан 11и) белгиленген талаптарды сактабастан ишке ашырылган.
2024-жылдын аягына чейин 33 955,3 миллион сомдук 128 эл аралык долбоор ишке ашырылган, анын ичинен болгону 76 долбоор 23 миллиард 52,4 миллион сомдук жалпы суммасында катталган, ал эми 10 миллиард 902,9 миллион сомдук 52 долбоор катталбай калган.
Катталбаган долбоорлордун 40,4% (21 долбоор) Суу ресурстары, айыл чарба жана кайра иштетүү өнөр жайы министрлигине, ал эми 21% ТЖ министрлигине жана Саламаттык сактоо министрлигине тиешелүү.
- Аткаруучу агенттиктер 2017-жылдын 19-июнундагы №389 өкмөттүн токтому менен бекитилген Жобонун 9, 11 жана 13-пункттарын бузуп, долбоорлорду максатка ылайыктуулук боюнча алдын ала тыянак жана каттоосуз ишке ашырышкан.
