Жарияланган маалыматка ылайык, Премьер-министр Адылбек Касымалиевдин 2024-жылдагы кирешеси 3 миллион 71 миң 349 сом жана 63 тыйынды түзгөн. Анын чыгашаларынын параметрлери көрсөтүлгөн эмес.
Маалыматтарга ылайык, ага төмөнкү активдер тиешелүү: 90 миң сомдук мебель, 80 миң сомдук фото-, аудио- жана видеотехника, 25 миң сомдук компьютерлер жана оргтехника, ошондой эле 40 миң сомдук үй-техникалары. Мындан тышкары, башка кыймылдуу мүлктөр 3 миллион 700 миң сомду түзөт.
Анын жакын туугандарынын кирешелери ошол эле мезгилде 5 миллион 146 миң 460 сомду түзсө, чыгашалары 2 миллион 493 миң 519 сомго жеткен.
Туугандарына таандык мүлктөрдүн арасында 216,7 чарчы метр аянттагы турак үй жана 1529,2 чарчы метр жалпы аянттагы башка капиталдык курулуштар бар. Алардын менчигинде 574 чарчы метр аянттагы үй-жай, дача жана бакча жер тилкелери, ошондой эле 130 чарчы метр аянттагы айыл чарбасына тиешелүү эмес жер тилкеси бар.
Мындан тышкары, жакын туугандарынын 1 миллион 400 миң сом жана 2 миллион 753 миң 100 сомдук баадагы жеңил унаалары, фургондору жана пикапдары бар. Алардын активдерине 50 миң сомдук мебель, 70 миң сомдук үй-техникалары жана 70 миң сомдук башка кыймылдуу мүлктөр, ошондой эле 4 миллион 200 миң сомдук кыймылдуу мүлктөр кирет.
