Бузуулар комплекстин ондон ашык блогуна тиешелүү, жана компания курулуш этаптарын текшерүү үчүн жеке лабораторияларды колдонгон. Ошондой эле, айрым блоктордун мыйзамсыз түрдө үлүш ээлерине берилгени аныкталды.
Натыйжада, "Аалам Строй" ЖЧКсына бузулуулары боюнча протоколдор түзүлүп, компанияга жалпы суммасы 3 млн сомго айыппул салынды.
Министрлик бардык курулуш иштерин токтотуу чечимин кабыл алды. Фирманын лицензиясын убактылуу токтотуу маселеси комиссиянын жыйынында каралат.
Мындан тышкары, министр курулуштун сапатын текшерүү үчүн Республикалык сертификаттоо борборун тартууну тапшырды. Алардын корутундусуна ылайык, кийинки чаралар кабыл алынат.
Текшерүүнүн жыйынтыгында Нурдан Орунтаев министрликтин карамагындагы мекемелердин жооптуу кызматкерлерине катуу чаралар көрүлөөрүн белгиледи.
