Мамлекеттик сатып алуулар порталына жайгаштырылган маалыматка ылайык, объектилердин тизмесине төмөнкүлөр кирет: Медеров көчөсүнөн Горький көчөсүнө чейинки Аламедин дарыясынын жээгиндеги променад, Дордой 2 жашоо массивинин суу түтүктөрүн туташтыруу, ошондой эле Төмөнкү Ала-Арча жана Куликовская көчөсү. Мындан тышкары, Учкун жашоо массивинде жана Керамическая көчөсүндө канализация иштерин жүргүзүү, Кара-Жыгач жашоо массивинин көчөсүндө суу менен камсыздоо пландалган.
Сатып алууларды өткөрүү ыкмасы чектелбеген болот.
Долбоордук-сметалык документацияны иштеп чыгууга жалпы баа 9 миллион 70 миң 179,6 сомду түзөт.
Арзыктарды кабыл алуу 2026-жылдын 29-январында саат 10:00гө чейин уланат.
