Мэриянын маалыматына ылайык, окуя 30-декабрда болгон. «Тазалык» кызматкерлери Ауэзов көчөсүндөгү участоктогу милдеттерин аткарып бүткөндөн кийин, таңкы саат 8:00-8:30 чамасында үйүнө бара жатып, техникалык каналга түшүп кетишкен.
Окуя болгон жерге шаар мэри Айбек Джунушалиев келип, кырдаалды көзөмөлгө алууну жана болгон окуяны терең иликтөөнү тапшырды.
Мындан тышкары, издөө операциялары аяктагандан кийин резервдик фонддон жардам көрсөтүү чечими кабыл алынды, ошондой эле «Тазалык» муниципалдык ишканасынын Профсоюз комитетинин каражаттарын тартуу пландалууда.
Учурда трагедиянын бардык жагдайларын аныктоо үчүн зарыл чаралар көрүлүүдө.
