МЧСтин маалыматына ылайык, Аламедин-1 микрорайонунда үч эркек чөгүп кеткен окуя тууралуу сигнал 9:05те түшкөн. Издөө иштерин жүргүзүү үчүн беш куткаруучу тартылган.
Свердлов районунун Ички иштер башкармалыгынын басма сөз катчысы Назгуль Иманбаева «Сводка АКИpress» редакциясына билдиргендей, окуя болгон жерге тергөө-оперативдик топ жөнөтүлгөн. Чөгүп кеткендер Ж.Ч. (1988-жылы туулган), Ж.Т. (1966-жылы туулган) жана Ж.Ж. (1963-жылы туулган) экени аныкталган.
Издөө иштеринин натыйжасында 37 жаштагы эркектин денеси табылган, бирок калган эки эркектин тагдыры азырынча белгисиз бойдон калууда.
