Башкы шаарда жашаган жаран 16-майда милицияга кайрылып, 2024-жылдын сентябрь айында $20 миң баасындагы «Шевроле Трейлблейзер» унаасын баня куруу үчүн $10 миң төлөмдүн бир бөлүгү катары бергенин айтты. Анын айтымында, жумушчу калган $10 миңди кайтарып берүүгө убада берген, бирок акыры ал аны алдаган.
Окуя Кыргыз Республикасынын Кылмыш кодексинин 209-беренеси («Алдамчылык») боюнча катталган.
Укук коргоо органдары 1989-жылы туулган Ф.С. аттуу шектүүнү кармашты. Сот аны СИЗО-1ге жайгаштырууну чечти.
Тергөө учурунда кармалган адамга каршы башка окшош арыздар бар экендиги аныкталды. Милиция алдамчылыкка кабылган башка жабырлануучулар болушу мүмкүн деп болжолдоодо. Ошондуктан, укук коргоо органдары бул адамдын алдамчылык аракеттерине туш болгон же кандайдыр бир маалыматка ээ болгон бардык жарандарды 0 (998) 81-04-06, 0(501) 05-00-77, 102 телефон номерлери боюнча кайрылууга чакырууда.
