Тергөөнүн жыйынтыгы боюнча, С. У. Э. президент Садыр Жапаров жана УКМКнын төрагасы Камчыбек Ташиев менен болгон жеке үй-бүлөлүк байланыштарын кылмыш жасоо үчүн пайдаланган. Ал $65 миң долларга бааланган 2022-жылкы Toyota Tundra жана $15 миң долларга бааланган 2011-жылкы Mercedes-Benz A-Class сыяктуу унааларды ээлеп алган.
Зардап тарткан адамдар унааларын кайтарып алууга аракет кылганда, шектүү аларга өлкөнүн жогорку кызмат адамдары менен болгон байланыштарын айтып, унааларын кайтаруудан баш тарткан.
«Мындан тышкары, жолугушуулар учурунда ал ар кандай маселелерди чечүү мүмкүнчүлүктөрү тууралуу айтып, сөздөрүн өлкөнүн жетекчилиги менен болгон сүрөттөрү менен бекемдеген», - деп айтылат расмий маалыматта.
Бул окуя Кыргыз Республикасынын Кылмыш кодексинин 209-беренеси («Алдамчылык») боюнча катталган. Шектүү 26-декабрда Чолпон-Ата шаарында УКМКнын убактылуу кармоо жайында кармалган.
Учурда тергөө иштери улантылууда.
