Шаардык администрация тарабынан берилген маалыматка ылайык, Семетей көчөсүнөн Масалиев көчөсүнө чейинки участкта төрт жер астындагы жөө адамдар өтүүчү өтмөктү куруу пландалууда. Андай өтмөктөрдүн бири Минжылкыйев көчөсү менен кесилишкен жерде иштеп жатат.
Ошондой эле долбоорду ишке ашыруу алкагында Ахунбаев көчөсүнөн Семетей көчөсүнө чейинки участкта 16 жаңы аялдама комплекси орнотулат.
Курулуш иштеринин башталышына байланыштуу Айтматов проспектиндеги Масалиев көчөсүнөн Семетей көчөсүнө чейинки участок убактылуу унаа кыймылына жабык.
Шаар башчысы бардык шаардык кызматтарга аткарылып жаткан иштердин жогорку сапат стандарттарын камсыз кылууну жана курулуштун белгиленген мөөнөттөрүн так сактоону тапшырды.
