Министрликтин басма сөз кызматынын маалыматына ылайык, министр курулуш иштеринин графигин сактоонун жана аткаруунун сапатынын маанилүүлүгүн белгилеп, долбоордун жетекчилерине бир катар тапшырмаларды берди.
Окуу корпусу жана жатакананы камтыган имараттын жалпы аянты болжол менен 13,6 миң чарчы метрди түзөт. Имарат сегиз кабаттан, анын ичинде жертөлөдөн турат жана заманбап билим берүү процессине керектүү бардык жабдуулар менен камсыздалат.
Долбоордо ашкана, жатакана, 300 орундуу чоң концерттик зал, беш кичинекей концерттик зал, конференц-зал, спорттук комплекс жана жертөлөдө автоунаа токтотуучу жай сыяктуу жайлар каралган.
