10-январда өткөн мелдешке райондук жалпы билим берүү системасынан орто мектеп мугалимдери жана бала бакча тарбиячылары катышты. Турнир үч жылдан бери Акин Токтосунованын балдары жана неберелери тарабынан педагогикалык коомду бириктирүү максатында уюштурулууда. Тандоо оюндары айылдык аймактарда өтүп, финал Баетовдо болуп, анда 12 команда катышты.
Турнирдин жыйынтыктары:
Аялдар арасында:
Биринчи орунду Тоголок Молдо атындагы орто мектептин командасы жеңип алып, кубок, медалдар жана акчалай сыйлык алды;
Экинчи орунду Баетовдогу Шүкүрбек Бейшеналиев атындагы орто мектептин командасы ээлеп, медалдар жана акчалай сыйлык алды;
Үчүнчү орунду Коңорчоктогу Насипа Жыргалбекова атындагы орто мектептин командасы жеңип алып, медалдар жана акчалай сыйлыктар менен сыйланды.
Эркектер арасында:
Биринчи орунду Жаңы-Талаптагы Байымбет атындагы орто мектептин командасы жеңип алып, кубок, медалдар жана акчалай сыйлык алды;
Экинчи орунду Кара-Бүргондогу Мукаш Базаркулов атындагы орто мектептин командасы ээлеп, медалдар жана акчалай сыйлык алды;
Үчүнчү орунду Баетовдогу Эсенгул Карасартов атындагы орто мектептин командасы жеңип алып, медалдар жана акчалай сыйлык менен сыйланды.
Ошондой эле эң мыкты жана улук оюнчуларга баалуу белектер жана акчалай сыйлыктар берилди. Э. Карасартов жана Ш. Бейшеналиев атындагы орто мектептердин директорлору турнири уюштуруп, ийгиликтүү өткөргөндүгү үчүн сыйлыктар алышты.
