Кыргызстандык спортчу 77 кг грек-рим күрөшү категориясында катышып, өз жолун америкалык Камал Бэйге каршы жеңиш менен баштады.
Бирок, чейрек финалда Махмудов күтүүсүздөн казакстандык Демеу Жадраевден жеңилип, коло медаль үчүн күрөшүн улантууга мүмкүнчүлүк алды.
Алгач кыргызстандык колумбиялык спортчуну жеңип, андан кийин үчүнчү орун үчүн азербайжандык Санан Сулейманов менен беттешүүгө даярданды.
«Коло медаль үчүн финалдык беттеш алдында мага Роман Власов абдан жардам берди. Мен көңүлүмдү топтой албай жаткам, ошондуктан ал менен бир аз сүйлөшүүнү чечтим. Бир нече мүнөттүн ичинде ал мага маанилүү кеңеш берди жана өзүмдү тууралоого жардам берди. Ал менден алтын медаль күтүп жатышканын эскертип, бирок колум бош кетпеши керектигин айтты. Коло медаль да жакшы жыйынтык. Биз бул тууралуу талкууладык», - деди Махмудов журналист Тахир Гафуров менен болгон маегинде.
Натыйжада Махмудов азербайжандыкты жеңип, үчүнчү орунду ээлеп, коло медаль утуп алды.
