Pro Swim Series этапы ушул күндөрү Техас штатындагы Остин шаарында өтүүдө.
100 метр брасс боюнча мелдеш 14-январда башталды. Алдын ала сүзүүдө Петрашов экинчи убакытты көрсөтүп, финалга чыкты.
Финал 15-январь эртең менен өтүп, кыргызстандык 59,55 секунд менен финишке чыкты, натыйжада экинчи орунду алып, күмүш медаль утту.
Биринчи орунду америкалык Ван Матиас 59,45 секунд менен алды.
Мындан тышкары, Петрашов бул турнире 50 жана 200 метр брасс боюнча да катышат.
Кыргызстан улуттук командасынын башкы машыктыруучусу: «Турнир көптөгөн күчтүү спортчуларды чогултту, алар да биздей 2028-жылдагы Олимпиада оюндарына даярданып жатышат. Бул жерде Америкадан Олимпиада чемпиондору, ошондой эле Леон Маршан менен Франция командасы бар. Казакстан улуттук командасы он спортчудан турат, алар да Америкада машыгышат. Денис бул жерде даярдыгын улантуусу үчүн Спорт агенттигинен колдоо күтүп жатабыз», - деп билдирди ал Sport АКИpress’ке берген интервьюсунда.
