«Жашыл» энергетиканы өнүктүрүү программасынын алкагында, Энергетика министрлиги гидроэлектр станцияларын курууну активдүү жүргүзүүдө. Тийиштүү маалымат ведомстводон алынды.
Орто-Токой ГЭСинин курулушу логикалык аяктоого жакындап калды. Учурда станцияны улуттук энергетикалык система менен туташтыруу үчүн инфраструктуралык камсыздоо иштерин жүргүзүүдө.
Площадкада подъезд жолдорун түзүү жана 110 кВ электр өткөргүч линиясынын опоролорун орнотуу үчүн негиздерди даярдоо уланууда. Котловандарды даярдоо жана керектүү жабдууларды монтаждоо боюнча иштер аяктоодо.
950 метр узундуктагы деривациялык тоннелдин өтүшү аяктады. Машиналык залда генераторлорду орнотуу, анын ичинде биринчи гидротурбинаны монтаждоо жүрүүдө.
Орто-Токой ГЭСин эксплуатацияга берүү быйылкы жылы болот деп күтүлүүдө, бул электр энергиясын өндүрүүнү кыйла көбөйтүүгө жана өлкөдөгү электр камсыздоонун ишенимдүүлүгүн жогорулатууга мүмкүндүк берет. ```
