Көмүр районго Кара-Кечеден үзгүлтүксүз жеткирилет.
«Антимонополиялык кызмат тарабынан белгиленген баага ылайык, Ат-Башы борборунда көмүрдүн тоннасы 6400 сом. Ошондой эле, эгер көмүр алыскы айылдарга жеткирилсе, негизги баага ар бир километр үчүн 3 сом 75 тыйын кошулат. Бирок, кээ бир айылдарда баа болжол менен 6000 сомго чейин жетиши мүмкүн», — деп белгилешти акимдикте.
Райондо 13 отун базасы иштейт, алардын ар бири көмүр сунуштайт. Бирок, көпчүлүк тургундар көмүрдү түздөн-түз «КамАЗ» жүк унааларынан алып, үйлөрүнүн жанында түшүртүүнү артык көрүшөт.
Учурда райондо Кара-Кечеге каттаган 33 жүк унаасы иштеп жатат. Ар бир рейстен кийин унаалардын тизмеси текшерилип, такталат. Ат-Баши районунун жалпы көмүргө болгон муктаждыгы 16 миң тонна.
