Ауылдаштардын айтымында, жапайы жырткычтар Дамба, Ача-Кайыңды, Баш-Кайыңды жана мал базарынын жанында сыяктуу жерлерде көп кездешип, бул адамдар үчүн гана эмес, ошондой эле алардын үй жаныбарлары үчүн да коркунуч туудурат.
Райондун биринчи орун басары Максат Кадыркулов аңчыларга ар бир атып алынган шакал үчүн 3000 сом өлчөмүндө сыйлык берилерин, бул акча мамлекеттик бюджеттен төлөнөрүн билдирди.
Шакалдар агрессивдүүлүгү менен белгилүү жана олуттуу коркунуч туудурат. Алардын санынын көбөйүшү жергиликтүү калк арасында коопсуздук маселелери боюнча тынчсызданууларды жаратат. Учурда белгилүү аймактарда керектүү иш-чараларды өткөрүү үчүн аңчыларды мобилизациялоо иштери жүргүзүлүүдө.
Бийлик өкүлдөрү шакалдардын пайда болушу боюнча кайрылууларга ыкчам жооп бериле турганын билдиришти. Тургундарды этият болууга жана коркунуч туулганда дароо тиешелүү кызматтарга билдирүүгө чакырышты.
