Экотехнадзор кызматынын маалыматына ылайык, иш-чаранын жүрүшүндө мыйзамды бузуп, Жазы дарыясында балык уулоого аракет кылган жаран кармалды. Натыйжада, ага 266-берененин 1-бөлүмүнө ылайык, балык уулоонун эрежелерин бузгандыгы үчүн 1000 сом өлчөмүндө айып пул салынды.
Мындан тышкары, ошол эле дарыяда балык кармоо үчүн «экрандык» деп аталган тыюу салынган синтетикалык торлорду колдонгон дагы бир жаран кармалды. Ага синтетикалык балык уулоочу торлорду жана электр менен балык кармоо системаларын колдонуу боюнча 267-беренеге ылайык 5,5 миң сом айып пул салынды.
