2026-жылдын 3-январында Куршаб айылдык милиция бөлүмүнүн кызматкерлери кызматтык абалынан пайдаланып, эки жаранды мыйзамсыз кармашкан, процессуалдык документтерди камсыз кылбай физикалык күч колдонушкан. Натыйжада кармалган жарандардын бири, А.Б. аттуу жарандын ден соолугуна оор зыян келтирилген.
Ош облусунун прокуратурасы 2025-жылдын 5-январында Кыргыз Республикасынын Кылмыш кодексинин 130-беренесинин 3-бөлүмүнүн 2-пункту жана 338-беренесинин 2-бөлүмүнүн 4-пункту боюнча кылмыш ишин баштады. Иш Ош жана Ош облусу боюнча ГКНБнын Башкы башкармалыгынын тергөө башкармалыгына тергөө үчүн өткөрүлдү.
Азыркы учурда үч милиционер — «С.Х.», «А.А.» жана «И.К.» — кармалып, соттун чечими менен эки айлык мөөнөткө камакка алынды, бул мезгилде тергөө иштери уланууда.
Кылмыш иши Ош облусунун прокуратурасынын көзөмөлүндө, анда зарыл экспертизаларды өткөрүү боюнча көрсөтмөлөр берилген. Тергөө аяктаган соң Кыргыз Республикасынын Кылмыш-процессуалдык кодексине ылайык укуктук чечимдер кабыл алынат.
