2025-жылдын 15-декабрында Аламудун районунун ОВДсына 1966-жылы туулган А. А. аттуу эркек киши кайрылган. Ал Кара-Жыгач айылында жашайт. Анын билдирүүсүнө ылайык, 2024-жылдын ноябрь айында Э. У. анын ишенимин пайдаланып, биргелешкен бизнес деген шылтоо менен 600 миң сом акчасын алдап алып, андан кийин изин жашырып кеткен.
Бул окуянын негизинде Кыргыз Республикасынын Кылмыш-жаза кодексинин 209-беренеси "Алдоо" боюнча кылмыш иши катталган.
2026-жылдын 3-январында оперативдик иш-чараларды өткөрүү учурунда милиция кызматкерлери шектүүнүн кайда экенин аныктап, андан кийин Кыргыз Республикасынын Кылмыш-процессуалдык кодексинин 96-беренесине ылайык кармалган. Райондук сот тарабынан эки айга камакка алуу чарасы тандалган.
Териштирүү уланууда.
