Укук коргоо органдарынын маалыматына ылайык, кырсык 27-декабрда саат 23:00 чамасында 7 Апрель көчөсүндө болгон. Айдоочу Р. М., 2004-жылы туулган, Hyundai Sonata унаасын башкарган учурда, 1995-жылы туулган жөө жүргүнчү К. А.ны, "Анел" ресторанынын каршысынан чыгыштан батышка өтүп бара жатканда уруп кеткен.
Кырсыктан кийин айдоочу окуя болгон жерден кетип калган, бирок ыкчам чаралардын натыйжасында аны таап, кармоо мүмкүн болду. Күмөндүү адам Бишкек ШИИБинин тергөө кызматына жеткирилди.
Серьездуу жаракат алган жөө жүргүнчү окуя болгон жерде көз жумду.
Окуя боюнча Кыргыз Республикасынын Кылмыш кодексинин 312-беренеси боюнча кылмыш иши козголду, бул жол кыймылынын коопсуздук эрежелерин бузууга байланыштуу. Айдоочу Кыргыз Республикасынын Кылмыш процессуалдык кодексинин 96-беренесине ылайык, шектүү катары Бишкек ШИИБинин убактылуу кармоо жайына жайгаштырылды.
Медициналык экспертиза айдоочунун алкоголдук мас абалда болгонун тастыктады.
Учурда унаа атайын токтотуучу жайга жайгаштырылды, экспертизалар дайындалды, алардын натыйжаларына ылайык, кийинки процессуалдык чечим кабыл алынат.
