Аймактык Ички иштер башкармалыгынын маалыматына ылайык, Токмок милициясына 47 жаштагы И. А. аттуу аял кайрылган. Ал уулу, 1992-жылы туулган И. С. тарабынан зомбулукка кабылганын билдирген.
Аял октябрь айында, спирттик ичимдик ичип турган учурда, уулу ага дене жаракаттарын берип, сол колун сындырып салганын айтып берген. Соттук-медициналык экспертиза анын ден соолугуна жеңил деңгээлде зыян келтирилгенин аныктаган.
Бул окуя боюнча Кыргыз Республикасынын Кылмыш кодексинин 177-беренеси "Үй-бүлөлүк зомбулук" боюнча кылмыш иши козголду.
Кыргыз Республикасынын Кылмыш-процессуалдык кодексинин 96-беренесине ылайык, И. С. кармалып, бул кылмышты жасоодо шектелип, убактылуу кармоо жайына жайгаштырылды. Тергөө иштери жүргүзүлүүдө.
