2025-жылдын 31-декабрында Ысык-Ата районунун милициясына Дмитриевка айылынан 2004-жылы туулган жаран оор жаракаттар менен ооруканага жеткирилгендиги тууралуу маалымат келип түшкөн. Алдын ала маалыматтарга ылайык, ал жаракаттарды белгисиз адамдардын кол салуусунан алган.
Чүй облусунун Ички иштер башкармалыгынын маалымат кызматынын сүрөтү
КРнын Кылмыш кодексинин 130-беренеси (Саламаттыкка оор зыян келтирүү) боюнча кылмыш иши козголгон.
Оперативдүү-издөө иш-чараларынын натыйжасында эки шектүү кармалды: 2003-жылы туулган Т.Р. жана 2005-жылы туулган А.У., учурда алар убактылуу кармоо жайында.
Ошондой эле бул кылмышка тиешеси болушу мүмкүн башка адамдар да аныкталды, алардын үстүнөн тергөө иштери улантылууда.
