Коомдук коопсуздук органдарынын маалыматына ылайык, 7-январда наркотиктердин мыйзамсыз жүгүртүүсү менен күрөшүүчү кызматка Первомай районунда синтетикалык наркотиктердин мүмкүн болгон сатылышы тууралуу маалымат келип түшкөн. Бул маалыматтын негизинде Первомай РУВДсынын тергөө комитети кылмыш ишин козгоду.
Шектүү 2001-жылы туулган С. А. болуп чыкты. Алдын ала тергөө иштеринде ал наркотиктик заттарды Telegram мессенджери аркылуу алып, шаарда "закладка" ыкмасы менен саткандыгы аныкталды.
Учурда кармалган адам Кыргыз Республикасынын Кылмыш-процессуалдык кодексинин 96-беренесине ылайык кармалууда жана Бишкек шаарындагы ИИМдин убактылуу кармоо жайына жайгаштырылды. Тергөө иштери уланууда.
