Милициянын маалыматына ылайык, 7-январда Бишкек шаардык ички иштер башкармалыгынын наркотиктердин мыйзамсыз жүгүртүүсүнө каршы күрөшүү кызматына белгисиз адамдын тыюу салынган заттарды таратууга катыштыгы тууралуу маалымат келип түшкөн. Бул маалыматтардын негизинде Первомай райондук ички иштер башкармалыгынын тергөө кызматы кылмыш ишин баштады.
Оперативдүү-издөө иш-чараларынын натыйжасында, укук коргоо органдары тарабынан 25 жаштагы эркек киши Бишкек–Чуй каналынын түндүк тарабында, Тоголока Молдо көчөсүндө кармалды. Ал наркотиктерди жайгаштыруу үчүн «закладка» ыкмасын колдонгон. Жеке текшерүү учурунда анын жанынан синтетикалык наркотикалык зат бар беш пакет табылды.
Алдын ала маалымат боюнча, шектүү наркотиктерди Telegram мессенджери аркылуу таратып келген.
Кийинки тергөө иштеринин жүрүшүндө ал дагы 14 жашыруун жайдын ордун көрсөттү, натыйжада мыйзамсыз жүгүртүүдөн 19 пакет синтетикалык наркотиктер алынды.
Шектүү убактылуу кармоо жайына киргизилди, тергөө иштери уланууда.
