ГУВДнын маалымат кызматы тарабынан берилген маалыматка ылайык, 7-январда Иссык-Ата райондук ички иштер бөлүмүнө Ивановка айылынан бир аял кайрылган. Ал, күндүзгү саат 12лер чамасында, күйөөсү тарабынан сабалганын билдирген. Медициналык текшерүүдөн кийин жабырлануучуда оң жактан төртүнчү кабыргасынын жабык сынуусу, ошондой эле көптөгөн көгала жана сызаттар аныкталган.
Окуя Кыргыз Республикасынын Кылмыш-жаза кодексинин 177-беренесине («Үй-бүлөлүк зомбулук») ылайык катталган. 1993-жылы туулган шектүү А.Э. кармалып, убактылуу кармоо жайына жайгаштырылган.
Учурда иштин териштирилиши уланууда.
