Күндөрдүн биринде социалдык тармактарда Аламедин айылындагы жеке үйлөрдүн биринде жаштарга карата зордук-зомбулук актылары тартылган видео пайда болду. Бул кадрлар коомчулукта кеңири реакция жаратты.
Бул окуяга байланыштуу КРнын Кылмыш кодексинин 280-беренеси боюнча кылмыш иши козголду. Шектүү 1993-жылы туулган Ф.В. болуп чыкты. Ал убактылуу кармоо жайына жайгаштырылды, учурда тергөө иштери жүрүп жатат.
Свердлов районунун ИИМи физикалык же психологиялык зордук-зомбулукка, адамдын намысын тебелөөгө, ошондой эле башка мыйзамсыз аракеттерге байланыштуу бардык иштер кылмыш жоопкерчилигин жаратарын эскертет.
