Маалыматка ылайык, Узген райондук ички иштер бөлүмүнүн кызматкерлери жаштар арасында кылмыштуулук жана укук бузууларды азайтуу максатында «Жаш өспүрүм–түн» аталышындагы алдын алуу иш-чарасын кышкы каникул учурунда уюштурушту.
Рейддин натыйжасында түнкү убакта көзөмөлсүз жүргөн 18 бала аныкталды. Бул балдардын ата-энелери жана жакындары менен кырдаалды түшүндүрүү боюнча сүйлөшүүлөр жүргүзүлдү. Жети ата-эне боюнча укук бузуулар кодексине ылайык чаралар көрүлдү.
Бул алдын алуу иш-чарасы 2026-жылдын 11-январына чейин облуста улантылат.
