Ош облусунун ички иштер башкармалыгынын маалыматына ылайык, бул рейд мектеп окуучуларынын ортосундагы конфликттерди алдын алуу жана балдар менен өспүрүмдөрдүн катышуусундагы жол кырсыктарын азайтуу үчүн уюштурулган.
Рейд учурунда жаштардын көбүнчө чогулуп жүргөн жерлери — көчөлөр, парктар, скверлер, спорт аянтчалары жана компьютер клубдары текшерилди.
Укук коргоо органдары түнкү убакта чоңдордун коштоосуз көчөдө жүргөн жаштарды аныктап, мыйзам бузуучу жүрүм-турумдун мүмкүн болгон кесепеттерин жана мыйзамды бузгандыгы үчүн жоопкерчилик жөнүндө сүйлөшүүлөрдү жүргүзүштү.
Рейддин натыйжасында түнкү убакта үйдөн сыртта жүргөн 23 өспүрүм аныкталды. Алардын ата-энелери жана мыйзамдуу өкүлдөрү менен алдын алуу сүйлөшүүлөрү жүргүзүлдү.
Ош облусунда мындай рейддер 11-январга чейин улантылат.
