Бул программа алкагында түшүндүрүү иштери уюштурулуп, борбордогу Глеб жана Борис ыйык княздардын православдук чиркөөсүндө жолугушуулар өткөрүлдү. Беседа катышуучулары адам өмүрүнүн маанилүүлүгүн, жол кыймылынын бардык катышуучуларынын жоопкерчилигин жана Жол кыймылынын эрежелерин сактоонун зарылдыгын талкуулашты.
Жол кыймылы менен байланышкан көптөгөн проблемалар айдоочулардын маданиятынын төмөн деңгээли менен шартталган. Төзүмдүүлүктүн, урматтоонун жана аң-сезимдүү жүрүм-турумдун жетишсиздиги жол кырсыктарынын санын көбөйтөт. «Биз жол кыймылынын бардык катышуучуларын сылык, төзүмдүү жана урматтуу болууга чакырабыз. Эрежелерди катуу сактоо — бул өмүрдү сактоонун негизги кепили», — деп баса белгиленет пресс-кызматтын билдирүүсүндө.
