УПСМдин маалымат кызматынын билдирүүсүнө ылайык, текшерүү учурунда айдоочунун айдоочулук күбөлүгү жок экени аныкталды. Мындан тышкары, ал товарларды бир компания үчүн ташуу менен алектенерин билдирди. Кийинчерээк рулда жашы жете элек адам болгондугу белгилүү болду.
Бул окуя мыйзамдын оор бузулушу болуп саналат жана жол кыймылынын коопсуздугуна реалдуу коркунуч туудурат, деп белгиленет ведомствонун билдирүүсүндө. Аныкталган мыйзам бузуулар боюнча протокол түзүлүп, жүк ташуучу унаа айыппул токтотуучу жайга коюлду.
УПСМ ата-энелерди жана уюмдардын жетекчилерин мыйзамдуу негиздери жок адамдарды транспорт каражаттарын башкарууга жол бербөөгө, ошондой эле мыйзамдардын белгиленген нормаларын катуу сактоого чакырат.
