Бул тууралуу Жалал-Абад облусунун МЧС башкармалыгы маалымат берди.
Маалыматка ылайык, чектөөлөр лавина коркунучу жогору болгон участкаларда киргизилет.
«Карды түшүрүү иштери Бишкек—Ош автожолунун 198-кмден 255-кмге чейинки участокто, Жалал-Абад облусунун чегинде өтүүдө. Бул иштерди жүргүзүү үчүн Кыргыз Республикасынын Коргоо министрлигинин атайын артиллериялык бөлүмү, МЧС башкармалыгынын кызматкерлери, МЧСнын гидрометеорология кызматы, жол патрулдук кызматы жана тез жардам кызматы тартылган. Белгиленген мезгилде жол мезгил-мезгили менен жабылып турат», - деп билдиришти ведомстводон.
Мындан тышкары, МЧС Кыргызстандагы тоолуу аймактарда лавина түшүү мүмкүнчүлүгү тууралуу төмөнкү трассаларда эскертет: Бишкек—Ош, Мырзаке—Кара-Кулжа—Алайкуу, Ала-Бука—Каныш-Кыя, Кызыл-Горка—Акташ, Сары-Таш—Дароот-Коргон—Карамык, Бишкек—Нарын—Торугарт, Арал—Мин-Куш, Арал—Суусамыр, Балыкчы—Казарман—Жалал-Абад, Каракол—Энилчек.
