Учурдагы объект санитардык жана ветеринардык контролдун талаптарына жооп бербейт
Жайыл районундагы жумушчу сапарынын алкагында президенттин ыйгарым укуктуу өкүлү Азамат Осмонов иштеп жаткан мал базарынын шарттары менен таанышып, жаңы объект куруу үчүн бөлүнгөн жерди карап чыкты.
Учурдагы базарды текшерүү учурунда ал санитардык, ветеринардык жана инфраструктуралык талаптарга жооп бербегендиги аныкталды. Аймактын абалы канааттандырарлык эмес, ветеринардык нормаларды сактоо үчүн зарыл болгон шарттардын жоктугу, ошондой эле санитардык-тамактануу инфраструктурасы жана дренаждык жана суу агызуу системаларынын жоктугу белгиленди. Аныкталган көйгөйлөр жаныбарлардын ден соолугуна жана калкка коркунуч туудрат. Коммерциялык негизде иштешине карабастан, объектти модернизациялоо боюнча чаралар мурда көрүлгөн эмес.
Азамат Осмонов ошондой эле мал базарын жайгаштыруу үчүн бөлүнгөн жаңы жер участкасында болду. Бул аймакта бардык санитардык, ветеринардык жана техникалык нормаларды эске алуу менен заманбап базар түзүүнү көздөгөн долбоор жана пландар иштелип чыккан.
Иштин үзгүлтүккө учурашына жол бербөө жана фермерлер үчүн ыңгайлуулук камсыздоо максатында ыйгарым укуктуу өкүл жаңы участокто жакынкы эки-үч жума ичинде милдеттүү ветеринардык контрол менен убактылуу соода аянтчасын уюштурууну тапшырды. Ошол эле учурда бекитилген долбоорго ылайык жаңы мал базарын куруу боюнча курулуш иштерин баштоо пландалууда.
Учурдагы базар жаңы объекттин курулушу аяктаганга чейин ишин уланта берет, бул соода ишмердүүлүгүнүн үзгүлтүксүздүгүн камсыздайт.
