Суу ресурстары, айыл чарба жана кайра иштетүү өнөр жайы боюнча вице-министр Жаныбек Керималиев бул демилге калктын жана жандыктардын ден соолугун жакшыртууга, ошондой эле өлкөдөгү айлана-чөйрөнү коргоого багытталганын белгиледи.
Долбоордун биринчи этабы үч негизги багытты камтыйт:
- Зооноздук инфекцияларды контролдоо: жандыктар арасында оорулардын мониторингин күчөтүү, диагноз коюу жана дарылоо үчүн эффективдүү ыкмаларды түзүү, инфекцияларды жандыктар менен адамдар арасында өткөрүү тобокелдиктери жөнүндө маалымдуулукту жогорулатуу.
- Антибиотиктерге туруктуулукка каршы күрөшүү: медицинада жана ветеринарияда антибиотиктерди рационалдуу колдонуу, альтернатива дарылоо ыкмаларын иштеп чыгуу, антибиотиктерге туруктуу бактериялардын жайылышын алдын алуу.
- Тамак-аштын коопсуздугу: азыктарды кайра иштетүү жана өндүрүү этаптарында санитардык шарттарды жакшыртуу, сапатты контролдоону күчөтүү.
Бул долбоордун алкагында өз милдеттерин аткарууга эки башка министрликке кошумча каражаттар бөлүнөт.
Башкы беттеги сүрөт иллюстративдик: nabu.kg.
