Министрликтин маалыматына ылайык, 2026-жылдын 7-январында «Ак-Тилек» өткөрмө пунктуна жакын жайгашкан «Сводный пост» боюнча химизация, өсүмдүктөрдү коргоо жана карантин департаментинин адистери фитосанитардык контролдоо процессинде 44,2 тонна салмактагы картошка партиясында милдеттүү фитосанитардык сертификаттын жоктугун аныкташты. Бул партия жогорку фитосанитардык коркунучтагы продукция катары классификацияланган.
Министрликте ошондой эле, Евразия экономикалык бирлигинин аймагында карантин фитосанитардык контролду жүргүзүү тартиби боюнча 3.7-пунктка ылайык, бул жүк жөнөтүүчүгө кайра кайтарылгандыгын белгилешти.
Кыргызстанга айыл чарба продукциясын алып келүүдө фитосанитардык нормалардын сакталуусун көзөмөлдөө адаттагыдай эле улантылууда, деп кошумчалашты ведомстводо.
