Эл жеткиликтүү баада товар сатып ала алат
27-декабрдан 31-декабрга чейин Кыргызстанда күн сайын ярмаркалар уюштурулат. Бул тууралуу Суу ресурстары, айыл чарба жана кайра иштетүү өнөр жайы министрлиги билдирген.
Бул иш-чаралардын негизги максаты — жергиликтүү өндүрүүчүлөрдү, фермерлерди жана кол өнөрчүлөрдү колдоо, ошондой эле жарандарды жеткиликтүү баада сапаттуу тамак-аш продуктылары менен камсыздоо.
Министрликте өлкөдө учурда негизги тамак-аш түрлөрү боюнча жетишсиздик жок экенин, запастар жетиштүү деңгээлде экенин белгилешти.
Башкы шаарда ярмаркалар төмөнкү жайларда өтөт:
- Т. Усубалиев атындагы аянт;
- И. Раззаков жана Абдымомунов көчөлөрүнүн кесилишиндеги аймак;
- Эркиндик бульвары (Биринчи май району).
Ярмаркага катышуучуларга коюлган талаптар: продукция сапаттуу жана санитардык-гигиеналык нормаларга жооп бериши керек; баалар базар баасынан төмөн болушу шарт; райондук агрардык башкармалыктан тастыктоочу кат болушу милдеттүү.
Кошумча маалымат алуу үчүн төмөнкү телефон номерлерине кайрылсаңыз болот: (0312) 66-14-22, 0702 70 20 00.
Сүрөт www
