Бул көрсөткүч өткөн жылдын ушул мезгилине салыштырмалуу 21,5% төмөн.
2025-жылдын 1-октябрына алынган маалыматка ылайык, Кыргызстандагы калк саны 7 миллион 374 миң адамды түздү.
Мамлекеттеги жумушчу күчүнүн жалпы саны 2 миллион 861 миң адамга жетти. Алардын ичинен 2 миллион 756 миң адам жумушта, ал эми жумушсуздардын саны 104,7 миңди түзүп, жалпы жумушсуздук деңгээли 3,7%ды түзөт.
Эмгек, социалдык камсыздоо жана миграция министрлиги 2025-жылдын 1-декабрына карата расмий жумушсуздук деңгээли 1,4%ды түзгөнүн билдирди. Жумушсуздар каттоосунда 58 565 адам турат, бул өткөн жылдын ушул мезгилине салыштырганда 21,5%га төмөндөгөн.
Расмий катталган жумушсуздардын ичинен 39 841 адам, бул 2024-жылдагы маалыматтарга салыштырганда 26%га аз.
Катталган жумушсуздардын арасында орто жалпы билимге ээ адамдар басымдуулук кылат — 23 миң 422 адам, анын ичинде 10 миң 244 аял. Кийинки орунда негизги жалпы билимге ээ жарандар (5–9-класстар) — 9 миң 435 адам, анын ичинде 4 миң 205 аял.
Ошондой эле жумушсуздардын арасында 2 миң 447 адам орто кесиптик билимге ээ, алардын ичинен 1 миң 496 аял. Жогорку билимге ээ 2 миң 586 адам катталган, анын ичинде 1 миң 683 аял. Баштапкы кесиптик билимге 1 миң 450 жумушсуз ээ, алардын ичинен 621 аял. 501 адамда жалпы баштапкы билим (1–4-класстар) бар, алардын арасында 216 аял. Баштапкы билимге ээ эмес 7 адам катталган, алардын арасында аялдар жок.
Сүрөт www
