Алардын ичинен болгону 571 арыз кабыл алынып, учурда 475 бала алынган ваучерлер негизинде бала бакчаларга бара жатат. Проект 258 бала бакча мекемесин камтыйт.
Мамлекет республика боюнча 1 миң ваучер бөлүп берет, приоритет социалдык жактан алсыз катмардагы балдарга берилет.
Ваучер — бул мамлекет тарабынан ар бир балага байланыштуу минималдуу кепилденген каржылоо. Ваучердин наркы айына бала үчүн 2 миң сомду түзөт. Ошондой эле кошумча коэффициенттер каралган: аз камсыз болгон үй-бүлөлөрдүн балдары үчүн сумма 3,1 миң сом, ал эми мүмкүнчүлүгү чектелген балдар үчүн — 4 миң 560 сом. Алыстагы жана тоолуу райондордо, анын ичинде Баткен облусунда, райондук коэффициенттер иштейт.
Билим берүү министрлигинин маалыматына ылайык, бала бакчага ваучердик каржылоо механизмин пилоттук киргизүүгө 4 миллион 32,8 миң сом каралган.
Мындан тышкары, ваучерлерди берүү системасы "Балалык" платформасында толугу менен автоматташтырылган.
