2007-жылдан бери иштеп келе жаткан программа Корея Республикасынын Эмгек жана жумуш менен камсыздоо министрлиги менен түзүлгөн меморандумдун негизинде иштелип чыккан жана ар жылы эки жылга узартылып турат.
Программанын катышуучуларын тандоо процессинде корей тили боюнча эки этаптуу тестирлөө өткөрүлгөн. Экзаменди тапшырган 1 350 адамдын ичинен 339 талапкер ийгиликтүү өтүштү. Натыйжада 225 адам эмгек келишимдерин түзүштү, ал эми 232 кыргызстандык, анын ичинде 30 аял, Кореяга жумушка чыгып кетишти.
Алардын көбү тамак-аш, химия жана кагаз өнөр жайында, ошондой эле пластик, резина жана айнек буюмдарын өндүргөн заводдордо жумушка орношкон. Орточо эмгек акы 1 700 АКШ долларын түзөт.
