Кореяда EPS программасынын алкагында 1,5 миңден ашык кыргызстандык иштешет.
Эмгек, социалдык камсыздоо жана миграция министрлигинин маалымат кызматынын маалыматы боюнча, 2025-жылы 4 миң 315 Кыргызстандын жараны EPS программасы аркылуу Корея Республикасында жумушка орношууга жардам сурап кайрылышты.
Жумушка орношуу Корея Республикасындагы Эмгек жана жумушту камсыздоо министрлиги менен меморандумдун негизинде жүргүзүлөт. Бул программа 2007-жылдан бери иштеп келет жана ар бир эки жыл сайын жаңыланат.
2025-жылы программадан катышууга кызыккан адамдар үчүн корей тилин билүү боюнча эки этаптуу сынак өткөрүлдү. 1 миң 350 катышуучудан 339 талапкер экзаменди ийгиликтүү тапшырды.
Тандоонун жыйынтыгы боюнча 225 катышуучу менен эмгек келишимдери түзүлдү, 232 Кыргызстандын жараны Кореяга жумушка жөнөтүлдү, алардын арасында 30 аял бар.
Көпчүлүгү азык-түлүк, химия жана кагаз өнөр жайы, ошондой эле пластик, резина жана айнек буюмдарын өндүрүүчү заводдордо жумуш табышты. Орточо айлык акы 1 миң 700 долларды түзөт.
Учурда 1,5 миңден ашык кыргызстандык EPS программасы боюнча Корея Республикасында иштешет.
Сүрөт www
