Эки бала чет өлкөлүк жарандарга берилди
Министрликтин маалымат кызматынын берген маалыматына ылайык, 2025-жылдын үчүнчү кварталында 492 бала камкордукка алынган, 370 бала улуттук үй-бүлөлөргө асырап алынып, эки бала чет өлкөлүк жарандарга камкордукка берилген.
«Балдарды кабыл алган бардык үй-бүлөлөр милдеттүү каттоодон өтүп, камкордук органдарынын туруктуу көзөмөлүндө болуп, балдардын укуктарын коргоо, тарбиялоо жана туура кам көрүүнү камсыз кылышат. Балдарды асырап алуу жана камкордукка берүү Кыргыз Республикасынын балдар боюнча мыйзамдары жана өлкөнүн жарандарына жана чет өлкөлүк жарандарга балдарды берүү боюнча жоболор менен жөнгө салынат», — деп айтылат маалыматта.
Маалымат кызматы бул чаралар ата-энесиз калган балдар үчүн коопсуз жана колдоо көрсөтүүчү чөйрөнү түзүүгө, ошондой эле Кыргызстанда үй-бүлөлүк жайгаштыруу институттарын бекемдөөгө багытталганын белгилейт.
Сүрөт www
