Берилген маалыматтарга ылайык, быйыл май өсүмдүктөрүн кайра иштетүү боюнча беш жаңы завод ишке киргизилди: бирөө Ысык-Көл облусунда, экөө Нарын облусунда, ошондой эле бирден Талас жана Чүй облустарында.
Улуттук статистика комитети өлкөдө май өсүмдүктөрүн кайра иштетүү менен алектенген 9 ири жана 136 кичи ишкананын катталганын билдирет.
Акыркы 11 айдын ичинде болжол менен 18,5 миң тонна өсүмдүк майы өндүрүлгөн, бул өзүн-өзү камсыздоо деңгээлин 56,5 пайызга чейин жогорулатууга мүмкүндүк берди, ал эми 2022-жылы бул көрсөткүч болгону 20,2 пайызды түзгөн.
Мындан тышкары, министрлик жогорку түшүмдүү май өсүмдүктөрүнүн сортторун жайылтуу боюнча активдүү иш алып барууда. Азыркы учурда АКШ, Россия, Казакстан жана Түркиядан келген жаңы сортторду сыноо жүргүзүлүүдө.
