Резки муздактыкка байланыштуу Чүй облусунун Жайыл районунда жайгашкан Суусамыр айылында төрт билим берүү мекемеси дистанциялык окутууга өтүү чечими кабыл алынды. Бул тууралуу «Кабар» агенттигинин маалымат кызматы айылдык аймактын жетекчиси Азизбек Манаповдун сөздөрүнө таянып билдирди.
Анын маалыматына ылайык, түнкүсүн температура -48 градуска чейин төмөндөп, күндүз -33…-35 градус аралыгында өзгөрүп турат.
«Мындай экстремалдуу муздактыкка байланыштуу Тунак, Суусамыр, Первомай жана Кожомкул айылдарындагы мектептер убактылуу бир жумага дистанциялык окутууга өткөрүлдү», — деди ал.
