Температуранын кескин төмөндөшүнө байланыштуу Нарын облусунун Ак-Тал районундагы мектептер бир жумага онлайн окутууга өткөрүлдү. Райондук акимдин орун басары Каныбек Эсеналиев бул тууралуу «Кабар» агенттигине билдирди.
Ал бул чечим окуучулардын коопсуздугун камсыздоо жана алардын ден соолугун сактоо максатында оперативдик штабда кабыл алынганын белгиледи.
«Райондо температура кескин төмөндөдү. Эртең менен -30…-35°C жетиши мүмкүн, бул алыстагы жерлерден мектептерге барууга муктаж окуучулар үчүн кыйынчылыктарды жаратууда. Алардын кээ бири суук мезгилде эки километрге чейин жол жүрүшөт, бул онлайн окутууга өтүүнүн себеби болду», - деп кошумчалады Эсеналиев.
