Кыргызстанда медицина кызматкерлерине кезексиз 5 миң батир бөлүү чечими кабыл алынды. Бул тууралуу саламаттыкты сактоо министри Каныбек Досмамбетов өлкөдөгү балдар медициналык мекемелерине болгон сапарынын учурунда билдирди.
«Биз медицина кызматкерлерине 5 миң ипотекалык батир берүү чечимин кабыл алдык. Бул чаралар социалдык колдоону күчөтүүгө, саламаттыкты сактоо тармагындагы кадрларды кармап калууга жана дарыгер кесибинин тартымдуулугун жогорулатууга багытталган», - деди министр.Ал ошондой эле, 2026-жылдын апрелинен баштап, президент Садыр Жапаровдун колдоосу менен дарыгерлердин айлык акысы 100 пайызга жогорулаарын кошумчалады.
